Թուրքիայի հայազգի պատգամավորը քննադատել է Իտալիայի` Հայոց ցեղասպանության վերաբերյալ որոշումը

Թուրքիայի իշխող «Արդարություն և զարգացում» կուսակցության` Ստամբուլից հայ պատգամավոր Մարգար Եսայանը քննադատել է օրերս Իտալիայի Պատգամավորների պալատի կողմից Հայոց ցեղասպանության վերաբերյալ բանաձևի ընդունումը:

 

 

 

«Երբ գալիս է ապրիլ ամիսը, այս թեմայի վերաբերյալ դարձյալ բացվում է օրինագծերի շրջանը: Երկար տարիներ նույն նախադասություններով նույն թեմաները քննադատելուց զզվել ենք: Հայկական հարցը Թուրքիային քննադատելու և պատժելու նպատակով ստեղծված քաղաքականացված հարց է: Այս թեման դարձել է պոպուլիզմի նյութ: Ես` որպես քաղաքական գործիչ, որպես հայ և Թուրքիայի Հանրապետության քաղաքացի, կտրականապես դեմ եմ: Հրանտ Դինքն էլ էր դեմ, ուղեղ ունեցող ցանկացած ոք դեմ է: Սա պատմություն է, պատմաբանները պետք է ուսումնասիրեն:

 

 

 

Դուք գիտեք, որ մեր նախագահը 2014 թվականից ի վեր ամեն տարի ապրիլի 24-ին ցավակցական հեռագիր է հղում, ցավակցում է Առաջին համաշխարհային պատերազմի ժամանակ մահացածների թոռներին, այսինքն` մեզ: Մեզ համար ցավալի է, որ օտար երկրի խորհրդարանը հայերի աքսորի հանգամանքն իր համար գործիք է դարձրել: Մենք մերժում ենք, այս որոշումը»,– Եսայանի խոսքերն է մեջբերում haber7.com կայքը:

Նշենք, որ 1915 թ. աքսորի տեսակետը թուրքական պաշտոնական տեսակետն է:

Միացեք Armenia Today Ֆեյսբուքյան խմբին։

Մարգար Եսայանը 1915 թ. հայ մտավորականների ցուցակը կազմած և իշխանություններին մատնած հայ դավաճան Վահէ Իհսանի (Եսայանի) ժառանգներից է:

 

 

Աղբյուրը ` yerkir.am

Be the first to comment on "Թուրքիայի հայազգի պատգամավորը քննադատել է Իտալիայի` Հայոց ցեղասպանության վերաբերյալ որոշումը"

Leave a comment

Your email address will not be published.


*


ԴԻՏԵԼ