Եթե կարողանանք թամանյանական ազնվությունը պահենք, շատ լավ կլինի. Արթուր Մեսչյան

 

 

 

ԽՍՀՄ ժողովրդական ճարտարապետ, ճարտարապետության ակադեմիկոս, Երևանի հատակագծի հեղինակ Ալեքսանդր Թամանյանի ծննդյան առիթով Կոմիտասի անվան պանթեոն են այցելել ճարտարապետներ, ուսանողներ և հարազատներ`ճարտարապետի հիշատակին հարգանքի տուրք մատուցելու համար: Միջոցառմանը մասնակցել է նաև Երևանի գլխավոր ճարտարապետ Արթուր Մեսչյանը:

 

 

 

Լրագրողների հետ զրույցում Մեսչյանն ասաց, որ թամանյանական նախագծին 2019 թվականին վերադառնալը շատ բարդ է, այլ բան է՝ թամանյանական ճարտարապետական արժեքային համակարգին վերադառնալը.

«Ճարտարապետությունը երբեք չի կանգնում, զարգանում է, ձևափոխվում է: Որպես մեր կյանքի իրավիճակ և միջավայր, որի մեջ մենք ապրում ենք, եթե կարողանանք այդ թամանյանական ազնվությունը պահել, կլինի շատ լավ»,-ասաց Երևանի գլխավոր ճարտարապետը:

 

 

 

 

Ըստ նրա՝ քաղաքը նույն ձևով պահպանել հնարավոր չէ, որովհետև կյանքն է փոխվել, այլ իրավիճակում ենք հիմա ապրում.

«30 հազարանոց քաղաք չենք էլ, կարևորը միջավայրը, որի մեջ ձեզ պարգևած է ապրել,  լինի այն աստիճան սիրված ու գրագետ, ոնց որ ժամանակին մտածում էր Թամանյանը»,-ընդգծեց Արթուր Մեսչյանը:

 

Աղբյուրը ` shantnews.am

Be the first to comment on "Եթե կարողանանք թամանյանական ազնվությունը պահենք, շատ լավ կլինի. Արթուր Մեսչյան"

Leave a comment

Your email address will not be published.


*